Ka jing iathuh khana shaphang ka jingwan mih pyrthei u Khasi

Iathuh shaphang ka jingwan mih pyrthei u Khasi

Kawei na ka jing iathuh khana puriskam 

kaba iathuh shaphang ka jingwan mih pyrthei u Khasi

ka dei na u lum KAMAKHYA kaba ka jingmut tynrai ka dei ka MEIKHA kaba mut ruh ba la kha na ka KMIE.

 Na une u lum la kha ia ka Jaidbynriew KHASI namar katta la khot kyrteng ruh ia une u lum KA MEIKHA. Ia une u lum KA MEIKHA la niew kyntang bha da ki Khasi bad baroh ki jaidbynriew ha ka pyrthei ruh ki tip ne ki iathuh ba ia ka Jaidbynriew Khasi la kha na ka kmie kumba la thoh ha ka kot , KA LAWEI U KHASI, DA U REV I. 

KHARKONGOR.

 Hynrei kane ka jaka ba kyntang tam jong u Khasi ka la shah knieh noh ha ki khar Assamese tip naduh mynno bad la tei ia ka temple jong ka Niam Hindu kaba pawnam tam hapoh jong ka thain Shatei Lam Mihngi ia kaba la tip haduh mynta kum ka KAMAKHYA TEMPLE.

Imat dei hadien jong kane ka jingshah jop lem bad ka jingsngew jah burom la shu thaw stad noh ia ka jing iathuh khana puriskam u LUMSOHPETBNENG da ki longshuwa halor ki 16 trep 16 sum kaba la pynwan dur shuh da 9trep sah kut sha bneng bad 7trep ki sah kut noh sha pyrthei hadien ka jingpyn khein hukum ne ka jing pom pynkhyllem noh ia u diengiei uba long u rynsan bah ban shan ia ka jingkieng ba kiew bad hiar hapdeng ka bneng bad ka khyndew kum ka jingda rapjot ia ka nam ka burom ba la duh noh ha ka jingshah jop ha ki nongshun bad ban shukor ia ki longdien.

 Bad kham niar ruh ban iohsngew ia kane ka khana namar ba ki longshuwa jong ngi ki ialeh bha ban burieh ia ka jingshisha khamtam ba u nang bad u stad bha ban pyn wandur ia ka khana puriskam haduh ba kiba bun kin sngewthuh ba ka dei ka khana bad ka Thymmai kaba shisha jong ka Jaidbynriew.